Kuki Students' Organisation Guwahati

KSO GUWAHATI HUNG KIPHUDOH DAN 

Sah-Solam (North-East) gamkai sung’a state 7 (sagi) sung’a Kuki chate Pathen phat thei boh na i chang uvin, gambih tum inei lou vang un, North Eastern region a state jouse ahin Kuki chate icheng soh kei juvin ahi.Hicheng state sagi sung’a Kukite kihet to nathei le kipun khom(Unity) nathei munkhat chu ahileh Guwahati jong hi mun poi mo khat ahi.

Phat sot tah kum sot tah ana che ta jong le, Guwahati munna hin Kuki simlai te ahilou leh Kuki te Organization dang ana kihe khapon, (N-E) gamkai sung’a Guwahati sung hi chele vale na mun lailung (promenade center ) khat ahin chuleh Kuki simlai te Assam,Nagaland,Manipur chuleh state dang dang’a konna hung kalsong ho kihet to na mun jong ahin, chuleh nat le sat lamma jong Doctor louthem pha um na, mun pikhat jong ahin,chuleh Government side ahin chuleh a dang dang thilkhoh tah tah ho state sagi sung’a phah lou thei lou munpi khat munpoi mo mun khat ahi.

Hijeh hin student phabep ana ki um hon, thuh tah alunggel na a na kinei jou hin Organisation khat um ding hi ana kidei jin, phat sottah lunggel na ana kinei jou vin, Date 18,May 1994 nin Students Organisation ahin ki phut doh in ahi. Amin “Kuki Students Organisation ” a kisah in achom lammin KSO (G) kiti ding in aki ki lol tai.

Kuki Students Organization ki phudoh hi tule khonung jong leh Kuki chate jousen ahin phat chompi tei diu chuleh, Kuki simlai jousen pumkhat tah a Unity ihi nau a hung hat cheh a KSO Guwahati khan tou ding lunggel i hin sekhom cheh diu kinep a um min ahi.

Kuki Students Organisation ana kiphu ding kon hin Guwahati sung’a um Kuki Officers phabep doh na leh ama ho a konna advise la ding hin guollhang phabep ana kivah len ahi.

Amasapennin Pu. PK Singson komma gollhang phabep akichen ahi. ache ho: (i)Alet Doungel (ii)Haotinlen Lhouvum(iii)Alen Khongsai(iv) Lamhao Doungael(v)Ginboi Haokip(vi)Mangboi Tuboi(vii)Lamlal Doungel chuleh (vii) David Haokip

Amasa pennin H.Alet Doungel in Pu PK. Singson inn na houlimna amang in abanin Lamhao Doungellin, houlimna a mang in ban ban nin ache jouse toh tou mun nin aki ki houlim pin ahi. Achainan Pu. PK.Singson in houlim amang’in phate chan tilkhouna (advise) ei bollun chuleh aman ama hinkho thusim KSO(M) Manipur a founder khat ana hi jong ahou lim min, hiche akon chun jong example phatah ei seipeh un ahi.

Abanin Pu.David Hanzo kom’ah akichen, ama kom ma jong advise akilan ahi. Abannin Pu. LL.Khongsai kom’ a jong akihoulim min phatah apan lah din tilkhou na ei nei jun , chuleh dang dang doh thei chan aki dong’in ahi.

Pu.DP.Haokip komma jong houlimna akineijin aman, KSO Guwahati umlou akhoh dan aseijin, chuleh KSO Guwahati umleh ahung phat chom ding dan jong phatah in tilkhouna eineijun ahi.

KSOG ana kiphudoh ding jeh aphatah apan ana la alunggel ana toh khom simlai ho :

Pasal: Lamlal Doungel, Haotinlen,Denis Lhouvum, Alet Doungel, Len Khongsai, Thangboi Tuboi,Jamkholal Haokip. Lamhao Doungel, Khupmang Doungel,Ginboi Haokip Lalminthang Doungel chuleh David Haokip

Numei: Kimboi Singson ,Boinu Lhouvum, Vanlalkim Changsan, Tingboi Haokip, Chinnu Hangsing Hiche KSOG ahung kiphu doh dan achomlalma lahin sut na chung’a hin kakipa na kahin phon in ahi kakipah e.

H. Alet.Doungel

Founding members &President KSOG1996-97. 1997-9822, February 1997

Long Live KSO Guwahati

(Source: KSO Guwahati File)